Ukrayina prezidenti Volodımır Zelenskıy, Qırımnıñ statusını muzakere etip olamağanını bildirdi, yarımada Anayasağa köre, Ukrayina toprağınıñ ayırılmaz parçası olaraq qayd etilgen. Bu aqta o, Türkiye ziyareti vaqtında ayttı.
"Bugün men Anayasa kefili olaraq taqdim ete bilgen mevamımız Ukrayina Anayasasında qayd etilgen mevamımızdır. Qırım devletimizniñ bir parçasıdır", — dep qayd etti Zelenskıy.
O, Türkiyege ve onıñ lideri Recep Erdoğanğa Ukrayinanıñ topraq bütünligine qol tutqanları içün teşekkür bildirdi.
"Prezident Erdoğan şahsen menimnen er vaqıt Ukrayina topraq bütünligi aqqında laf etkende böyle başlay. O, er vaqıt dey: "Men sizge daa bir kere tasdıqlayım, men Ukrayinanıñ topraq bütünligine qol tutam, biz işğal etilgen, vaqtınca işğal etilgen topraqlarnı tanımaymız, yarımadanı Rusiyege ait dep tanımaymız. Qırım Ukrayinadır. O, bunı er vaqıt destekley ve men bunıñ içün minnetdarım", — dep qoştı devlet yolbaşçısı.
Zelenskıynıñ aytqanına köre, Ukrayina işğal etilgen topraqlar üzerinde nezaretni ğayrıdan tiklev yolları ve gumanitar buhranlar aqqında laf etmege azır.
Daa evel Ukrayina prezidenti Volodımır Zelenskıy Vladimir Putinniñ muzakerelerde iştirak etmesini talap etti ve onıñnen şahsen laf etmege azır olğanını bildirdi. Kreml başta Putinniñ iştiragini tasdıqlamadı, mayısnıñ 14-nde aqşam ise onıñ bulunmağan eyyetiniñ terkibini ilân ettiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.AqiqatnıñTelegram ve İnstagram saifelerinden taqip etiñiz.
